Agim-imon a mister, pinatayna ti misisna

SALCEDO, Ilocos Sur – Panagimon ti kitkitaen dagiti polis a puon ti nangpapatayan ti maysa a lalaki iti asawana iti Barangay Cullong ditoy itay nabiit.

Pinaltogan ni Florencio Baguioen, 52, mannalon, residente iti Barangay Cullong ditoy nga ili, ni Teresita Baguioen, asawana, babaen ti backshot a dagus a nakatayanna.

Inaresto dagiti barangay tanod ti suspetsa sada indatag kadagiti nagresponde a polis.

Mapapati nga agim-imon ti lalaki iti asawana.#