TAGUDIN, Ilocos Sur – Dinungpar ti maysa a minibus ti agina iti kalsada nasional a sakup ti maysa a barangay ditoy a puon ti nakatayan ti ina ken nakasugsugatan ti anakna.

Nabigbig dagiti biktima a da Aida Manzano, 43, ken ti anakna, ni Angel, 7, agnaed iti Becques  idinto a nainaganan ti drayber ti minibus a nangdungpar kadakuada a maysa a Ceferino Aquino, residente ti Guesset, Naguilian, La Union.

Segun iti report, kadisdissaag dagiti agina ket bumallasiwda koma iti kalsada idi dungparen ida ti minibus.

Natay a dagus ni Aida. Naitaray met ti anakna iti Tagudin District Hospital para iti pannakataming dagiti sugatna.