Agkabsat, dinungpar ti bus, 1 natay

NARVACAN, Ilocos Sur – Dinungpar ti bus ti dua nga agkabsat iti national highway a nakatayan ti maysa ken nagsagrapan ti ub-ubing kadagiti sugat a nakayospitalanna.

Iti report a naggapu iti police station ditoy, dinungpar ti Viron Bus a minaneho ni Amado Villegas y Nazareno, 39, nasawaan, ken residente iti Antipolo, Rizal, da Reymar Pira y Picimo, 11, ken Vincent Pira y Picimo, 7, bayat ti panagdaliasat dagitoy nga agidurduron iti karkariton a naglaon kadagiti kayoiti national highway a sakup ti Sitio Kakaldingan, Barangay Lungog ditoy nga ili idi agarup 4:45 ti malem ti
Disiembre 5.

Kas resulta, naipasirok iti bus ni Reymar ket natay a sigida.

Naipuruak met ni Vincent iti makannawan nga abaga ti kalsada ket naitaray iti Central Ilocos Sur District para iti pannakaagasna.

Nadadael ti bumper ti bus.#