Agkabsat, nagsaruno a natay gapu iti dengue

LAOAG CITY – Nagsaruno a natay ti agkabsat iti ospital a nakaitarayanda gapu iti sakit a dengue.

Segun iti report, simmaruno a pimmusay  ni  Jessica Malinao, 7, kalpasan a pimmusay ni Bettina Marie, 5, kabsatna,  gapu met laeng iti sakit a dengue.

Naggiddan dagiti dua a naitaray iti ospital ngem mapapati a nakaron ti sakitda isu a saandan a naisalbar.

Indeklara metten ti siudad ti Laoag nga under state of calamity kalpasan nga immabuten iti 250 dagiti kaso ti dengue ken addan walo a natay gapu iti daytoy a sakit.#