Agkalugaran, nagriri, maysa napaltogan

CABUGAO, Ilocos Sur – Susik a naparnuay bayat ti inuman ti mapapati a nakaigapuan ti pannakapaltog ti maysa a mannalon iti sanguanan ti maysa a resort sadiay Barangay Pug-os ditoy nga ili idi sardam ti Abril 4.

Naitaray iti ospital ni Jonathan Baldovino Castillo, 36, residente iti nadakamat a barangay idinto a naipan iti police station para iti pannakapalutpotna ti suspek a nainaganan iti Alden Azcueta y Sumagit, 31, kalugaran met laeng ti biktima.

Segun iti police blotter, bayat ti drinking spree, nagriri dagiti dua ket nagbinnatoda iti botelia.

Kinamat ti Baldovino ni Azcueta ket nangeg laengen ti nagsasaruno a kanalbuong a nagsagrapan ni Baldovino iti sugat iti makannigid a paset ti tengngedna.

Nakasarak dagiti polis iti uppat a kapsula manipud iti Cal. 45 iti nakapasamakan ti pammaltog.#