Aglaklako iti droga a menor de edad, nakemmeg

CANDON CITY.  Maysa a menor de edad ti tiniliw dagiti polis kalpasan ti drug operation nga inwayatda iti plasa ditoy a siudad.

Naala manipud iti ikut ni Marvin (nailinged ti naganna), 15, baro, residente iti Tiagan, San Emilio, Ilocos Sur ti innem a heat-sealed transparent sachet a mapapati a naglaon iti napagango a bulong ti marihuana ken agdagsen ti tunggal maysa iti 2 gramo.

Insayangkat ti nagkaysa a puersa ti PNP-Candon City, PDEA-ISSET ken ICAG ti buy bust operation a nakatiliwan ti menor de edad iti plasa ditoy siudad.

Naipan ti barito iti police station para iti pannakapalutpotna.#