STA. MARIA, Ilocos Sur – Maysa nga agmauyong ti pinaltogan dagiti polis ditoy agsipud ta saandan a maanawa pay.
Pinaltogan ti maysa a polis ti saka ni Noli Arreola, addaan iti naan-anay nga edad, residente iti Poblacion Sur ditoy, mapapati a saan a nasimbeng ti panagpampanunotna, bayat ti panagkibor daytoy iti pagtaenganda ken panagdangranna.
Segun iti polis, sakbayna binagsol ni Arreola ti kaanakanna a ni Gringo.
Pinadas dagiti nagresponde a polis nga indauluan ni hepe ti polis PSI Eric Fernandez a pagtalnaen ni Arreola ngem ad-adda ketdi a nagkibor daytoy.
Mapapati a nakisarita ti kabsat ni Arreola iti polis a paltoganda ti saka daytoy.
Intaray dagiti polis ni Arreola iti Reyes Clinic and Hospital para iti pannakaagasna.#
