Agmulmula iti high value crops, karamanen a mapautangan

CABUGAO, Ilocos Sur – Karamanen dagiti agmulmula kadagiti high value crops kadagiti makautang iti P7.5 milion nga inlatang ti gobierno munisipal para kadagiti mannalon ditoy nga ili.

Iti napalabas, ti nasao a pondo ket maipapaay laeng kadagiti mannalon kas rice production loan assistance ken tobacco contract growing system ngem gapu iti kiddaw a mairaman dagiti agmulmula iti high value commercial crops a makautang iti nasao a pondo, inamiendaran ti sangguniang bayan ditoy ti appropriation ordinance a nakaipalaonan iti daytoy a programa.

Naggapu ti pondo iti bingay ti munisipalidad ditoy iti excise tax ti tabako kas intuding ti R.A. 7171.#