Agmulmula iti mais, naikkan iti subsidy

MAGSINGAL, Ilocos Sur – Naikkan dagiti corn growers ditoy nga ili iti subsidy kas paset ti programa ti gobierno nasional a mangpaadu iti produksion ti mais iti pagilian.

Naammuan a 60 a kaban ti bukel ti mais ti iwarwaras ti municipal agriculture office ditoy kadagiti mannalon ditoy nga ili a bayadanda iti P550 iti tunggal kaban.

Segun ken ni Estela Tabarejo, municipal agriculture officer, ti mannalon ti agpili no ania ti kayatna nga imula a mais, ti white corn wenno yellow corn.

Segun iti nasao nga opisial, adda 30 kaban ti white corn ken 30 kaban ti yellow corn a maiwaras kadagiti agmulmula iti mais.#