Agnobio, nabato iti gate ti guardhouse

BANTAY, Ilocos Sur – Di pay ammo dagiti polis dagiti nangbato iti agnobio iti sanguanan ti main gate ti guardhouse ti maysa a subdibision ditoy idi rabii ti Abril 11.

Iti panagimbestiga dagiti nagresponde a polis, idi agarup 7:30 ti rabii ti nadakamat a petsa, rummuar koma da Mark Anthony Tagaruma y Topinio, 25, baro, teknisian ken ti girlfriendna a ni Terelyn Pizarro y Tabigne, 23, nurse ket idi makadanonda iti main gate ti Alta Mira Subdivision, Barangay Aggay, Bantay, binato ida dagiti saan a nabigbig a tattao a mapapati a nagpuesto iti turod a mangtannawag iti sanguanan ti gate.

Napuntaan iti bato ti makannigid a barukong ni Tagaruma isu a pinakaskas ni Pizarro ti motorsiklona nga immadayo iti nasao a lugar.

Naburak ti maysa a tawa ti guardhouse.

Segun iti inbestigasion, bayat ti nasao nga insidente, adda ineskortan ti guardia a dakkel a tao iti clubhouse.#