Agpalpalama a Badjao, iggem dagiti sindikato?

VIGAN CITY – Kinuna ni DSWD Provincial Officer Ferdinand Concepcion a problema ti opisinana ti panagsublisubli dagiti Badjao nga agwarangwarang ditoy siudad.

Segun ken ni Concepcion, namin-anon a pinaggawidda dagiti Badjao ngem no apay nga agsublida manen iti siudad ti Vigan partikular iti panangrugi ti bulan ti Septiembre tapno umayda agpalimos wenno makipaskua.

Adda suspetsa ni Concepcion nga iggem ti sindikato dagiti agpalpalama a Badjao ta adda pagpleteda nga agpa-Ilokos iti baet a naggadayo ti paggapuanda.

Kinuna ni Concepcion a makapadakes iti imahe ti lugar a pagdakiwasan dagitoy gapu ta agkalbitda ken agdawatda, malaksid a narugit ti pagan-anayda.#