Agpasaporte iti San Fernando City, libre ti luganda

VIGAN CITY – Impaay ti gobierno probinsial ti libre a lugan dagiti residente iti Ilocos Sur a napan nagpaproseso iti aplikasionda para iti e-passport iti San Fernando City idi Nobiembre 13.

Nayiskediul iti daytoy nga aldaw ti pannakaproseso ti pasaporte dagiti aplikante a  taga-Ilocos Sur.

Proyekto daytoy ti gobierno probinsial tapno matulongan dagiti taga ditoy probinsia a makaala iti pasaporteda a saandan a problema ti transportasionda a mapan iti San Fernando City.

Saanen a kas iti napalabas a dumanon dagiti taga-DFA iti Vigan City nga umay agproseso kadagiti aplikasion para pasaporte, personal a mapan itan dagiti aplikante iti  opisina ti DFA iti San Fernando City.#