SINAIT, Ilocos Sur – Pimmusay iti ospital a nakaitarayanna ti maysa nga agpaspasada iti traysikel a napaltogan idi agarup 11:40 iti aldaw ti Agosto 22.
Segun iti report, agpaamianan a direksion a nakasakay iti traysikelna ni Charito Salcedo y Tangonan, 46, naasawaan, residente iti Barangay Sapriana, ket idi adda iti national highway a sakup ti Barangay Jordan ditoy nga ili, inabay ti motorsiklo a nagkalubbonan ti dua a lalaki sa pinaltogan ti maysa kadagiti naglugan ti biktima.
Nakarekobre dagiti nagresponde a polis iti 4 a nakuppil a kapsula ke maysa a buli iti nakapasamakan ti krimen.
Di pay ammo ti motibo ken kinasiasino dagiti kriminal.#