CANDON CITY – Maysa nga agpaspasada iti traysikel ti pinaltogan ti pasaherona a puon ti nakatayanna.
Saanen a naidanon ti biag ni Vergel Ramos y Cablay, 27, residente iti Barangay San Agustin, ditoy siudad gapu iti pannakapaltogna iti panangitulodna kadagiti pasaherona iti Barangay Amguid ditoy met laeng siudad.
Segun iti inbestigasion, naglugan dagiti di nabigbig a suspek ken ni Ramos iti paradaan ti traysikel iti asideg ti Jollibee ditoy ket nagpaitulodda iti Barangay Amguid no sadino a nakapaltogan ti biktima.
Mapapati a gauge 12 shotgun ti naaramat iti pammapatay.
Kinuna ti polis a pailadawanda dagiti suspetsa kadagiti agpaspasada a traysikel iti dayta a rabii babaen ti cartographic sketch.#