Agriculture Comprehensive Code, marebio

VIGAN CITY – Panggep ti chairman ti komite ti Agriculture a marebio ti Agriculture and Aqua Culture Comprehensive Code para iti ad-adda pay a benepisio ken pannalaknib para kadagiti mannalon ken mangngalap iti probinsia.

Kanaig daytoy, inimbitaran ni Bokal Pablito Sanidad, Jr., chairman ti committee on agriculture, dagiti mangidadaulo iti gunglo dagiti mannalon, mangngalap, RIC, NGO ken dadduma pay a maseknan a grupo para iti maysa a committee hearing tapno marebio daytoy a linteg.

Kinuna ni Sanidad a babaen ti nasao a miting, makitada no adda inputs wenno mayat a mabalin nga i-introduce a pakaamendaran ti linteg.

“…Maala amin a napateg nga impormasion tapno maipasa ti linteg para kadagiti mannalon ken mangngalap,” kinuna ni Sanidad.

Ni Bokal Ismael Baterina ti autor ti Agriculture and Aqua Culture Comprehensive Code.#