Footer

Agsilaw iti tukak, sinapgid ti lugan

CANDON CITY- Napanda nagsilaw iti tukak tapno adda sidada ngem ospital metten ti nagtungpalan ti maysa gapu iti pannakasapgidna iti lugan.

Nasugatan iti ulona ken bagina ni Joel Inigo, 25, para basa ti Ilocos Sur Electric Cooperative iti metro ti koriente ket naitaray iti ospital tapno maagasan gapu iti panangsapgid kenkuana ti maysa nga Isuzu Forward truck iti Barangay Langlangca 2nd ditoy siudad.

Segun iti report, bayat ti panagtiliw ti biktima ken ti kaduana a managan Zaldy iti tukak a masilawanda iti igid ti national highway a sakup ti nadakamat a barangay, sinapgid ti Isuzu Forward truck a maris puraw ken nagmarka iti “Lilings” ti biktima a puon ti nakadunoranna.

Saan a sinardengan ti drayber ti truck ti biktima.#