Agtatakaw iti motorsiklo, natiliw

VIGAN CITY – Natiliw ti maysa a lalaki iti akto a panangitarayna iti maysa a motorsiklo idi rabii ti Enero 29.

Nainaganan ti suspek a ni Hilario Manzano Arconado, 50, baro, residente iti Barangay Pantay Daya.

Segun iti report, nakaparking ti motorsiklo nga XRM ni Efren Rabara y Ragucos, 26, baro, residente iti Barangay Bayubay Norte, San Vicente, iti likud ti Land Bank a masarakan iti Plaza Maestro idi sinakayan ni Manzano sana patarayen iti amianan a direksion ngem nagbangen ni Fortunato Quinago Panela, 53, naasawaan, public assistance officer ti nasao a pasdek-pagtagilakuan sana tiniliw.

Naipaima ti suspek kadagiti nagresponde a kameng ti SWAT daytoy a siudad.#