Footer

Agtutubo a napan nagbanniit, nalmes

CANDON CITY –  Nasarakan a bangkayen gapu iti pannakalmesna ti maysa a lalaki a napan nagbanniit iti maysa a lapat iti Barangay Talogtog, ditoy.

Awanen ti anges ni  Rommel Altis, 19, residente iti Barangay Darapidap iti daytoy met laeng nga ili, idi iyaon dagiti nagannak kenkuana iti lapat a nakalmesanna.

Segun dagiti nagannak, binirokdan ti anakda idi saan a nagawid iti pangaldaw ket nakitada ti sinelasna iti asideg ti maysa a lapat a mapapati a napanna nagbanniitan.

Awanen ti biag ti biktima a nasarakanda iti lansad ti lapat.

Mapapati nga adda diperensia ti panunot ti biktima.#