Footer

Agusar suitik a pagkiluan, mamulta

STO. DOMINGO, Ilocos Sur – Nairiing manen ti implementasion ti ordinansa a mangdusa kadagiti aglaklako nga agus-usar iti depektibo a pagkiluan ditoy nga ili.
Sagudayen ti nasao nga ordinansa a madusa dagiti vendors a suitik ti pagkiluanda iti P500 iti umuna a panaglabsing ken malaksid iti nasao a gatad, makansela wenno ma-revoke ti permit ti aglaklako ken saanen a mapalubosan nga aglako ditoy nga ili no masunotan a matiliwan nga aglabsing iti ordinansa.
Kinuna ni Konsehal Henry Palpallatoc nga adun ti nakumpiskada a suitik a pagkiluan ngem saanen a sinaka pay dagiti akinkukua.#