CANDON CITY, Ilocos Sur – Uray agkabsat, agpinnatayen.
Segun iti report, pinaltogan ni Henry Galimba, 38, residente iti Langlangca 2nd ditoy, ti kabsatna a ni Ronald, 32, a puon ti nakatayan ti naud-udi.
Naammuan a nagsabat dagiti agkabsat ket mapapati a ginandat ti biktima a dangran ti manongna a nakaigapuan ti panangpaltog ti suspetsa iti biktima.
Nasarakan dagiti nagresponde a polis a nakadasay ti biktima a nagsagrap iti sugat iti barukong ken rupana iti sanguanan ti balay ti maysa nga Ambet Baldos iti nasao a barangay.
Naammuan a naakusaran ti biktima a nangpatay babaen ti bagsol ti sabali a kabsatna.
Mapapati a karitkariten ken pinangtaan ti biktima ti manongna iti kallabes.#