Akusado, inaresto dagiti polis

SINAIT, Ilocos Sur – Inaresto dagiti polis ti maysa a lalaki a sumangsango iti sumagmamano a kaso idi agsapa ti Nobiembre 12.

Inaresto dagiti polis ni Jumar Paguirigan y Tumbaga, 25, naasawaan, promo diser, ken residente iti Barangay Quibit-quibit ditoy nga ili babaen ti bileg ti warrant of arrest nga inyisio ni Judge Nida Bringas Alejandro ti RTC Branch 24, ditoy nga ili idi agarup 7:30 ti agsapa ti nadakamat a petsa.

Sumangsango ni Paguirigan iti panaglabsing iti Section 5(b) ti R.A. 7610 (5 counts) ket nai-docket dagiti kaso iti babaen ti Criminal Case Nos. 3299-KS agingga iti 3303-KS.

Apaman a naaresto ni Paguirigan, naipan iti police station para iti booking ken dokumentasion sakbay a naipaima iti maseknan a korte.

Nairekomenda ti P200,000.00 a piansa ti akusado para iti temporario a wayawayana.#