Akusado iti carnapping, naaresto

STO. DOMINGO, Ilocos Sur – Inaresto dagiti polis ditoy nga ili ti maysa nga akusado iti carnapping idi malem ti Oktubre 5 sadiay Barangay Pangpangdan.

Imet ti arresting team ti warrant of arrest nga inyisio ni Judge Marita Bernales Balloguing ti Regional Trial Court, Branch 20, Vigan City, maikontra ken ni Dominic Soliven y Tapuro, 19, baro, ken residente iti nadakamat a barangay.

Sumangsango ni Soliven iti kaso a carnapping iti babaen ti Criminal Case No. 8086-V ket nairekomenda nga agpiansa iti P180,000.00.

Nakakustodia ita ni Soliven iti Sto. Domingo police station para iti dokumentasion ken umisu a disposision.#