Akusado iti homisidio, inaresto dagiti polis

BANTAY, Ilocos Sur – Inaresto dagiti polis ti maysa a mannalon nga akusado iti homisidio idi bigat ti Nobiembre 3.

Naaresto ni Edilberto Cariaga y Pilien 35, naasawaan, ken residente iti Barangay Sinabaan ditoy nga ili babaen ti bileg ti warrant of arrest nga inyisio ni Judge Marita B. Balloguing ti RTC Branch 20, Vigan City.

Sumangsango ni Cariaga iti kaso a homisidio a nai-docket iti babaen ti Criminal Case No. 7748-V-2015 ket nairekomenda nga agpiansa iti P80,000.00.

Bayat a maisursurat daytoy, adda ni Cariaga iti kustodia ti polis para iti dokumentasion ken booking sakbay a maipresenta iti nasao a korte.#