Akusado iti krimen, naisuko iti polis

MAGSINGAL, Ilocos Sur – Maysa nga akusado iti kaso ti naisuko iti polis ditoy nga ili idi Septiembre 13.

Insuko ni Barangay Captain ti San Clemente ditoy nga ili ken ni PI Andrew P. Rabang, OIC ti Magsingal Police Station, idi agarup alas 10:00 ti rabii ti Septiembre 14 ni Ruben Ablana y Ipan, 32, naasawaan, welder, natibo ti Bulala, Camalaniogan, Cagayan Valley ngem agnaed iti agdama iti Barangay Dacutan, ditoy met laeng nga ili .

Sumangsango ni Ablana iti frustrated homicide iti sanguanan ti sala ni Judge Nida Bringas ti RTC Branch 24, Cabugao, Ilocos Sur.

Nawayawayaan met laeng ni Ablana iti kustodia ti polis kalpasan a nagpiansa iti P48,000.#