Akusado iti murder, simmuko

CAOAYAN, Ilocos Sur – Sitatalna a simmuko ti maysa a wanted iti polis ditoy nga ili babaen ti negosasion nga insayangkat ti kapolisan idi agsapa ti Septiembre 21.

Sakbay ti isusuko ni Clenio Quedado y Adoc, 60, naasawaan, ken residente iti Barangay Naguillan, Caoayan, Ilocos Sur, nangiyisio ni Judge Marita Bernales Balloguing ti Regional Trial Court 21, Vigan City iti warrant of arrest maikontra kenkuana gapu iti sangsanguenna a kaso a murder a nai-docket iti babaen ti Criminal Case No. 6197-V.

Awan ti nairekomenda a piansa ni Quedado.

Nakalista ni Quedado iti top 10 most wanted person iti provincial level.

Simmuko ni Quedado babaen ti pannakinegosiar ti kapolisan a pakaibilangan ti Caoayan police station, PIB, Ilocos Sur PPO ken CIDG Ilocos Sur.#