Akusado iti murder, simmuko

NARVACAN, Ilocos Sur – Boluntario a simmuko iti polis ti maysa nga akusado iti murder idi agsapa ti Abril 29.

Sakbay daytoy, nakaawat ti Santa police station iti tawag manipud ken ni Pasungol Barangay Captain Genaro Cacho nga imparipirip ni Rodolfo Bitle, Sr., residente iti Barangay Banglayan, Narvacan, Ilocos Sur iti isusukona iti otoridad.

Adda arrest warrant nga inyisio ni Judge Sixto Diompoc ti Regional Trial Court Branch 72, Narvacan, Ilocos Sur maikontra ken ni Bitle gapu iti kaso a murder a nai-docket iti babaen ti CC No. 3920-N a napetsaan Abril 1, 2015.

Nagturong dagiti otoridad iti Barangay Pasungol ket inkuyogda ni Bitle iti police station para iti umisu a disposision ken pannakaikustodiana iti ISCIDG.#