Akusado iti panagrames, naaresto

CERVANTES, Ilocos Sur – Inaresto dagiti polis ti maysa a lalaki a sumangsango iti kaso a panagrames sadiay Barangay Concepcion ditoy nga ili idi agsapa ti Hulio 20.

Inaresto dagiti polis ni Rodolfo Galleto y Galao, 37, naasawaan, ken residente iti Barangay Concepcion babaen ti bileg ti warrant of arrest nga inyisio ni Judge Policarpio P. Martinez ti RTC Branch 25, Tagudin, Ilocos Sur ken iti imatang ni Barangay Captain Elmer V. Galula ti nadakamat a barangay.

Sumangsango ni Galleto iti kaso a panagrames a nai-docket iti babaen ti Criminal Case No. 1259-T, 1260-T, ken 1261-T.

Naipan ni Galleto iti Cervantes Police Station para iti maikanatad a disposision.#