Akusado iti panagrames, naaresto

SUYO, Ilocos Sur – Inaresto dagiti nagtipon nga elemento ti kapolisan ti maysa a baro a naakusaran iti panagrames idi sardam ti Hunio 2, 2015.

Inaresto ti Suyo Police Station, 1st Maneuver Coy, ISPPSC ken RPSB1-PSC ni Anastacio Ngayaan, Jr., y Cuyapen, 38, mannalon, ken residente iti Sitio Vito, Barangay Poblacion, ditoy nga ili babaen ti bileg ti warrant of arrest nga inyisio ni Judge Mario Anacleto M. Bañez ti RTC Branch 25, Tagudin, Ilocos Sur gapu iti krimen nga statutory rape.

Nai-docket ti kaso iti Criminal Case Nos. 1430-T ken 1431-T a napetsaan Hunio 2, 2015.

Awan ti nairekomenda a piansa ni Ngayaan.#