Akusado iti panagrames, naaresto

BURGOS, Ilocos Sur – Inaresto dagiti nagtitipon nga elemento ti CIDG Ilocos Sur, PIB, PIDMB ken polis ditoy nga ili ti maysa a lalaki a sumangsango iti kaso a panagrames idi agsapa ti Septiembre 21.

Mismo a naaresto ni Rogelio Buccat y Lacangan, 44, naasawaan, karpintero, iti pagtaenganna iti nadakamat a barangay babaen ti warrant of arrest nga inyisio ni Judge Marita Bernales Balloguing ti RTC Branch 72, Narvacan, Ilocos Sur.

Sumangsango ni Buccat iti kaso nga incestuous rape (7 counts) a nai-docket iti Criminal Cases No. 4194-N agingga iti 4200-N.

Awan ti nairekomenda a piansa ni Buccat.

Naipaima ni Buccat iti police station ti Burgos para iti dokumentasion ken umisu a disposision.#