Akusado iti panagrames, naaresto

APAYAO – Inaresto itay nabiit dagiti nagtitipon nga elemento ti kapolisan ti maysa nga akusado iti panagrames a nagpakni ditoy a probinsia.

Inaresto dagiti joint personnel ti Sta Cruz police station, Cervantes police station and CIDG Ilocos Norte, ni Edison Ramos Haban, 35, naasawaan, ken residente iti Barangay Calaoaan, Sta. Cruz, Ilocos Sur sadiay Barangay Bucao, Calanasan, ditoy a probinsia, babaen ti bileg ti warrant of arrest nga inyisio ti dua a judge iti regional trial courts iti Candon City, Ilocos Sur.

Akusado ni Ramos iti 6 counts for rape iti sala ni Judge Gina Juan Chan RTC Branch 23, Candon City, Ilocos Sur ken 6 counts for rape ken panaglabsing iti RA 7610 wenno Special Protection of Children Against Abuse, Exploitation and Discrimination Act iti sala ni Judge Policarpio P. Mendoza ti RTC Branch 71, Candon City.

Nakalista ni Ramos kas Top 1 SLT iti babaen ti Project Double Barrel ken Sibat priority target municipal level.

Nakakustodia ti akusado iti Sta. Cruz police station.#