Footer

Akusado iti panagrames, naaresto

SINAIT, Ilocos Sur – Maysa nga akusado iti panagrames ti naaresto babaen ti manhunt operation nga inwayat ti kapolisan sadiay Barangay Cabangtalan, ditoy idi bigat ti Pebrero 15.

Inaresto dagiti polis ni Roger Challeg y Ibea, 48, awanan asawa, trabahador, ken residente iti nadakamat a barangay babaen ti bileg ti warrant of arrest nga inyisio ni Judge Raphiel F. Alzate ti Regional Trial Court, Branch 24, Cabugao, Ilocos Sur idi Pebrero 8.

Akusado ni Challeg iti qualified rape thru sexual assault ket awan ti nairekomenda a pagpiansana.

Nakalista ti akusado iti Sinait police station a No. 1 most wanted iti municipal level.#