Akusado iti panagrames, naaresto

VIGAN CITY – Impaima dagiti nagtitipon nga elemento ti polis ti maysa nga lalaki nga akusado iti panagrames idi malem ti Disiembre 13.

Indatag dagiti polis ti Paniqui, Tarlac ken CIDG Tarlac iti city police station ditoy ni Joven Saranilla y Taboc-Taboc, 36, naasawaan, ken residente iti Barangay Purok-A-Bassit, Vigan City.

Naaresto ni Saranilla babaen ti warrant of arrest nga inyisio ni Judge Reynaldo A. Lacasandile ti Regional Trial Court, Branch 20, Vigan City a napetsaan Marso 11, 2010.

Sumangsango ni Saranilla iti kaso a rape, rape and attempted rape. Awan ti nairekomenda a piansa ti akusado iti immuna a dua a kaso idinto a P200,000 ti pagpiansana iti maikatlo a kaso.#