Akusado iti panagrames, natiliw

CABUGAO, Ilocos Sur – Inaresto dagiti polis itay nabiit ti maysa a baro a naakusaran iti panagrames.

Naaresto ni Elemar “Boy” Dela Cruz y Baclig, 37, baro, ken residente iti Barangay Dardarat, ditoy nga ili idi agarup 3:00 ti malem ti Oktubre 22 babaen ti bileg ti warrant of arrest nga inyisio ni Judge Nida Bringas Alejandro iti Regional Trial Court, Branch 24, Cabugao idi Oktubre 9, 2014.

Akusado ni Dela Cruz iti rape a nai-docket iti babaen ti Criminal Case No. 3154-K ket awan ti nairekomenda a piansana; dua a counts ti rape by sexual assault a nai-docket iti babaen ti CC Nos. 3155-K ken 3156-K a makapagpiansa iti P200,000.00; ken 2 counts of acts of lasciviousness in relation to RA 7610 a naidocket iti babaen ti CC No. 3157-K ken 3158-K a nairekomenda ti piansana a P200,000.00.

Naipan ni Dela Cruz iti Cabugao police station para iti umisu a dokumentasion sa naiyalis iti provincial jail babaen ti commitment order nga inyisio ni Judge Alejandro.#