Footer

Alahas ti abogada, natakaw, naisalda iti pawnshop

NARVACAN, Ilocos Sur. –  Nagpulong ti maysa nga abogado iti polis a tinakaw ti tallo a tattao dagiti alahasna sada insalda iti maysa a pawnshop ditoy.

Inreport ni Abogada Gloria Corrales a tinakaw ti maysa a Vilma Tangcura, Nelia Rutab ken maysa a menor de edad, agtawen iti 14,  a nailinged iti nagan a Juvy, dagiti alahasna a south-sea pearl set nga aritos nga aggatad iti P40,000; maysa a paris ti siopao pearl nga aritos nga aggatad iti P12,000 ken 1 a heart shape diamond ring nga aggatad met iti P50,000.

Iti panagpalutpot ti polis iti menor de edad a suspetsa, impudnona a naisalda dagiti alahas iti Elegant Jewelries a kukua ti maysa a managan Conrado Taculog.

Narekobre dagiti polis iti nasao a pagsaldaan ti maysa a pedaso ti aritos a south-sea pearl nga addaan brillantitos.

Agtultuloy ti inbestigasion dagiti pannakabagi ti linteg mainaig iti nasao a panagtakaw.#