Alahas ti OFW, kinurimes dagiti mannanakaw

VIGAN CITY – Maysa a balay ti naireport a natakawan ket kinasakas dagiti mannanakaw dagiti alahas ti bumalay.

Nagpulong ni Lorna Feril y Villanueva, 33, naasawaan, ken residente iti Barangay VI, ditoy siudad, a nasukalanna a sinerrek dagiti mannanakaw ti balay ti kabsatna a ni Vilma Calvo y Villanueva, 38, naasawaan, ken agtrabtrabaho iti ballasiw-taaw ket kinurimesda dagiti alahas a naikabil iti dua a kabinet a pakairamanan ti maysa a CK watch, 2 a kuentas, maysa a white gold a bracelet, ken 2 a balitok a singsing nga agdagup iti sumurok kumurang a P50,000.00.

Nakastrek dagiti mannanakaw iti balay babaen ti panangdadaelda iti steel grills ti sliding window ti master bedroom.

Awan pay ti pakabigbigan iti kinasiasino dagiti nagtakaw.#