Alawans dagiti barangay nutrition scholars, saan a napatgan

VIGAN CITY – Saan a nakalusot iti konseho ti draft ordinance a mangited iti kanayonan nga allowance kadagiti barangay nutrition scholars ditoy a siudad.

Babaen ti butos a 5-3, saan a pinaboran dagiti konsehal ti pannakaikalendario ti nasao nga ordinansa iti sumaruno a session.

Sagudayen ti ordinansa nga indatag ni Konsehal Benjo Verzosa a maikkan iti P1,000 a kanayonan nga allowance dagiti barangay nutrition scholars.

Ngem maysa a memorandum circular ti impakita ti local finance committee a maikontra iti paglintegan ti pannakaited iti kanayonan nga alawans kadagiti BNS nga agtaud ti pondo manipud iti city government wenno barangay.#