Alay Kapamilya sa Pamulinawen Festival, naiwayat

LAOAG CITY – Nangisayangkat ti ABS-CBN Regional Network, Laoag iti bloodletting activity a naangay iti Laoag City Auditorium idi Pebrero 7, 2015.

Naawagan iti Alay Kapamilya sa Pamulinawen Festival, nakipartisipar ditoy dagiti boluntario a donors a pakaibilangan ti kapolisan manipud kadagiti nadumaduma a police stations ditoy probinsia.

Agdagup iti 13,500 cubic centimeters iti nadumaduma a tipo ti dara a naala manipud kadagiti donors.

Dagiti laeng nakapasa iti blood screening nga inwayat dagiti miembro ti Philippine Red Cross, Ilocos Norte-Laoag City Chapter, ti naawat nga agidonar iti dara.#