Aldaw ti Propesional, naangay

URDANETA CITY – Naisayangkat ti “Agew dagiti Propesional” iti Urdaneta Sports Complex ditoy manipud alas 9:00 ti bigat agingga iti alas 4:00 ti malem ti Oktubre 12.

Naisayangkat daytoy babaen ti gobierno probinsial nga idadauluan ni Gov. Amado T. Espino, Jr. ken iti kooperasion ti city government ditoy babaen ken ni Mayor Amadeo Gregorio E. Perez IV.

Naangay met ti “Araw ng Propesyonal”  idi Oktubre 13, manipud 9:00 a.m. agingga iti 4:00 p.m. ken 14  manipud 9:00 agingga iti 12:00 noon iti Audio Visual room ti Tarlac State University, Tarlac City; ken ti ‘Aldaw ti Propesional” inton Oktubre 20 iti Atrium, Capitol Building, Lagawe, Ifugao manipud 9:00 a.m. agingga iti 4:00 pm.ken .

Kinabinnulig ti PRC ti gobierno probinsial ti Ifugao babaen ken ni Gov. Eugene M. Balitang ken ti Tarlac State University babaen ken ni University President Priscilla C. Viduya.

Dagiti sumaganad dagiti serbisio a naited/maipaay: application for licensure examinations para nurses, midwives, civil engineers; registration ti lisensia dagiti nakapasa iti  July 2011 NLE; renewal ti propesional nga ID;  sertipiko ti good standing; ken unclaimed ID ken board certificates (naipila iti PRC Baguio).#