Aldaw ti propesional naisayangkat

CANDON CITY – Naisayangkat ditoy a siudad ti Aldaw ti Propesional iti lobby ti city hall ditoy idi Mayo 25.

Nagkammayyetan ti Professional Regulation Commission (PRC) Baguio Regional Office ken ti gobierno ti siudad ti Candon iti babaen ti panangidaulo ni Mayor Allen G. Singson ti nasao nga aktibidadĀ  a nangrugi iti 10:00 ti bigat agingga iti 4:00 ti malem ti nadakamat nga aldaw.

Dagiti sumaganad dagiti serbisio a naipaay iti daytoy nga aldaw: aplikasion para iti licensure examinations (para kadagiti mangisursuro, ken dadduma pay); registration ti lisensia dagiti LET passers idi Marso 2012; renewal ti professional ID; sertipiko ti good standing; ken unclaimed ID ken board certificates (naipila iti PRC Baguio).#