Alinaay bridge, mapabaro

CABUGAO, Ilocos Sur – Mapabaro ti rangtay iti Barangay Alinaay ditoy nga ili babaen ti panangpundo ti Department of National Defense, daytoy ti naammuan manipud iti maysa a konsehal ditoy.

Kinuna ni Konsehal Josefina Vallejo, chair ti committee on infrastructure, a mapunduan ti nasao a rangtay iti P24.5 million babaen ti DND.

Sakbayna, nangisayangkat ti Engineering Brigade ti Philippine Army iti ocular inspection iti daan a rangtay.

Awan ti counterpart ti LGU iti daytoy a proyekto, malaksid laeng ti panangisubmiteda iti DND dagiti administrative requirements a pakairamanan ti panangipasa ti sangguniang bayan iti maysa a resolusion a mangkidkiddaw iti DND iti pannakapondo iti nasao a rangtay, program of work ken bill of materials.

Paset ti anti-insurgency campaign ti DND ti pannakaipaay kadagiti proyekto ken serbisio kadagiti ili ken probinsia.#