Footer

Amburayan province, agtultuloy a maipagna

VIGAN CITY – Agtultuloy ti pannakaipagna ti panagbalin dagiti upland municipalities iti Ilocos Sur ken tallo nga ili ti Abra a maysa a probinsia.
Kinuna ni dati a bokal Alexander Bistoyong a karaman iti main-inaw nga Amburayan province dagiti upland municipalities iti probinsia ken dagiti ili ti Tubo, Luba ken Villaviciosa ti Abra.
Innayonna a maipagpagna ti gakat iti Kamara babaen ken ni Diputado Mauricio Domogan, agdama a mangibagi iti Baguio City ngem tubo ti Quirino, Ilocos Sur, maysa kadagiti upland nga ili a karaman iti Amburayan province.
Tarigagay dagiti upland municipalities ti sumina iti Ilocos Sur gapu iti mapapati a pannakabaybay-ada no maikumpara kadagiti ili iti patad.#