America in 3D, naselebraran

QUEZON CITY – Sinelebraran ti U.S. Embassy ti kultura, tagipatgen ken programa ti Amerika ditoy Pilipinas babaen ti tallo-nga-aldaw a programa a naawagan “America in ED”.

Manipud Marso 18 agingga iti 20, iti SM City North EDSA iti Quezon City, nangipaay ti U. S. Embassy iti libre a musical performances, food tastings, sports clinics, film screenings, cooking demonstrations, Q&A babaen ken ni Fil-Am White House Executive Chef Cristeta Comerford, job fair a nangitanggaya iti nasurok  6,600 a nakalukat a puesto kadagiti   American companies, information sessions mainaig iti panagaplikar iti visa ken panagbasa iti United States ken dadduma pay.

Naikkan ti publiko iti oportunidad a makisango kadagiti pannakabagi dagiti nadumaduma a seksion ken ahensia ti Embahada, a pakairamanan ti Department of Veterans Affairs, the Visa Section, ti United States Agency for International Development, ti Peace Corps, ti U.S. Commercial Service, ti Foreign Agricultural Service, ken ti Philippine-American Educational Foundation (Fulbright Commission). Dagitoy ti nangited iti publiko kadagiti napateg nga impormasion a makatulong kadakuada a makikonektar iti Embahada.

Naipaay pay dagiti iskediul ken mapa para kadagiti ispesipiko a pagteng a naisayangkat bayat daytoy tallo-aldaw nga extravaganza para iti impormasion ti publiko.

Naiballakad pay iti publiko ti panangtsekda para iti updates iti Embassy’s Facebook page at www.facebook.com/manila.usembassy and website at http://manila.usembassy.gov/.

Nainbitaran pay dagiti media representatives a mangkober iti nasao a pagteng.#