American citizen, ginaburan ti incumbent mayor iti butos

CABUGAO, Ilocos Sur – Naiyanud ti American citizen iti aglaplapusanan a butos ti agdama a mayor ditoy iti kalkalpas a panagpipili ditoy nga ili idi Mayo 13, 2013.

Kas maibatay iti resulta ti municipal canvass, ginaburanĀ  ni incumbent Mayor Edgardo S. Cobangbang, Jr. iti butos ni Amelia Amparo Abarquez iti daytoy panagbalubalda para mayor ditoy nga ili.

Nakagun-od niĀ  Cobangbang iti 15,283 a butos maikontra iti 3,277 laeng a butos ni Abarquez.

Sakbay ti eleksion, kinansela ti Comelec ti certificate of candidacy ni Abarquez kas panangpabor iti petision ni Cobangbang a maysa daytoy nga American citizen gapu ta inar-aramatna ti American passportna iti panagbiahena.

Dagiti sumaganad dagiti nangabak a konsehal: Danilo Gazmen (11,193 butos), Vicky Serna (10,995), Dodjie Santella (10,769), Jayhan Charisma Tan (9,240), Jemama Tan-Yee (8,335), Benedicto Savellano (7,220), Josefina Vallejo (6,081) ken Carlito Pano (6,067).#