Amianan a Luzon, naggingined

Maysa a ginggined nga agpigsa iti Magnitude 5.1 ti narikna iti sumagmamano a lugar iti Amianan a Luzon idi parbangon ti Disiembre 22.

Segun iti Philippine Institute of Volcanology and Seismology, nagsentro ti ginggined a nairekord iti 3:50 iti parbangon ti Disiembre 22 iti 10 a kilometro manipud iti ili ti Tabuk.

Nupay kasta, awan ti naipadamag a nadadael iti ginggined a kuna ti Phivolcs a tectonic iti nagtaudanna.

Narikna ti ginggined iti Intensity 3 iti Baguio City ken Intensity 2 iti Laoag ken Pasuquin, Ilocos Norte.#