Amnestia iti buis, naidagadag

VIGAN CITY – Idurduron ni Bokal Christian Purisima ti pannakaited iti amnestia kadagiti residente ditoy probinsia a delingkuente nga agbaybayad iti miliar ket dakkel ti multada.

Kinuna ni Purisima nga adu a kaprobinsiaan ti delingkuente nga agbaybayad iti miliar ket dakkel ti multada.

Segun iti bokal, inproponerna a mabalin a mawaswas ti penalty no bayadan ti tax payer ti prinsipal ti buis a bayadanna.

Kinuna pay ni Purisima a 50% iti makolekta babaen ti amnestia ti mapan iti Education Fund.#