Anak, pinaltogan ti amana

STA. CATALINA, Ilocos Sur – Saan a panagkinnaawatan ti mapapati a gapu a pinaltogan ti maysa a balo ti anakna iti Barangay Cabaroan ditoy nga ili idi sardam ti Abril 29.

Segun iti report a dimmanon iti polis ditoy, mapapati a kinompronta ni Esteban Rapadas Jr. y Rapisura, 49, balo, ti anakna a ni Emmanuel Rapadas y Ablog, 17, ket nagsubangda a puon ti mapapati a panangpaltog ti suspek ken ni Emmanuel.

Nagmintis ti suspek gapu ta mapapati a nabartek daytoy.

Nagtinnulongan da Emmanuel ken ti  kabsatna a ni Mark Vincent Rapadas y Ablog, 16, a nangagaw iti cal. 22 ket daytoy ti impaimada ken ni Barangay Captain Amado Rea.

Insuko ni Rea ti paltog a nagkarga iti 5 a bala ken maysa a kapsula iti cylinder, kadagiti nagresponde a polis.#