Anak ti bise gobernador, kandidato para bise mayor ti Cabugao

CABUGAO, Ilocos Sur – Ti anak ni Vice Gov. Deogracias Victor Savellano ti katiket ni incumbent Mayor Edgardo S. Cobangbang, Jr. para bise mayor iti eleksion inton Mayo 13, 2013.

Binayabay dagiti barangay captains ti grupo ni Mayor Cobangbang ken ni dati nga SK Federated President Deogracias Jose Victorino H. Savellano idi napanda nagipila iti kandidaturada iti opisina ti Commission on Elections ditoy idi Oktubre 3.

Kakuyog pay da Cobangbang dagiti kandidato para konsehal iti partidoda a Nationalist People’s Coalition-Bileg Party (NPC-Bileg) a pakairamanan da Vice Mayor Danilo Q. Gazmen nga agkandidato para konsehal, dagiti incumbent councilors a pakaibilangan da Dr. Carlito S. Pano, Benedicto M. Savellano, Josefina S. Vallejo, Dr. Jemaima S. Tan-Yee, ken dagiti baro a nailinia iti tiketda a pakaibilangan da Turod Barangay Captain Inocencio S. Sadac, dati a konsehal Carlos V. Sison, ken Cuancabal Barangay Captain Rogelio S. Siruno.

Adda dagiti nagipila iti kandidaturada a sumango kada Cobangbang ken Savellano ngem mapapati a substitute laeng dagitoy ti sabali a kandidato.

Agingga iti Disiembre 2012 ti pannakaipalubos ti substitution.#