Anak, tinagbat ti amana

TAGUDIN, Ilocos Sur – Maysa nga anak ti tinagtagbat ti amana┬á sadiay Barangay Dacutan ditoy nga ili idi malem ti Septiembre 4, 2013 a puon ti nakayospitalanna.

Iti report ti polis ditoy, tinagtagbat ni Ernesto Moria y Tomines, 53, ti anakna a ni Roel Moria y Lorica, 21, baro, agpada a residente iti nadakamat a barangay a mapapati a  nagramut iti panangbagbaga ti ama iti anakna.

Mapapati nga imbato ni Roel ti baso a pagin-inumanna iti amana ket gapu itoy, tinaray ti lakay ti bunengna sana tinagtagbat ken binagsol ti anakna.

Naitaray ni Roel iti Tagudin General Hospital and Capillariasis Center idinto nga inaresto dagiti polis ti suspek.#