Annual budget maikamakam a maaprobaran

SINAIT, Ilocos Sur – Segun iti bise mayor ditoy, saan nga ag-christmas break ti sangguniang bayan ditoy agsipud ta ikamakamda nga aprobaran ti budget para iti 2010.

Agdagup iti nasurok a P47 milion ti annual budget daytoy nga ili para iti 2010.

Kinuna ni Vice Mayor Edgar Yabes nga ikamakamda ti budget para iti 2010 sakbay ti panagtapus daytoy a tawen.

Itay nabiit,simmangpet ti bingay daytoy nga ili manipud iti RA 7171 nga agdagup iti nasurok a P4 milion.

Manamnama a matratar ti pakaiponduan ti nasao a pondo kalpasan ti pannakaaprobar ti annual budget.#