No Apay a Naginad ti Pannagna ti Kaso

Ni Jeff Septembrina

(Tuloyna)

 

Iti bukod a panirigantayo ken   naibatay iti padas ken obserbasion ti maysa a gayyem iti saan a napakpakadaan ken di nairanta a kasona  a naidatag iti sala ti korte ti rehion (RTC).  Ti met laeng maseknan iti partikular a kaso ti ayan ti inisiatiba tapno nadaras a maresolbar ti kasona. No nagdarum ti maseknan, kasapulan a naregta a mapan agi-blotter iti Polisia no isuna ket iti naaramid kenkuana a pannakadangran wenno pannakarabngis ti karbenganna iti maysa a banag. Iti maaramid  nga imbestigasion, kasapulan a nalukay ti orasna no dakamaten ti Investigating Officer-on case iti pannakakalap dagiti impormasion, ebidensia, testimonia ken dadduma pay a materiales iti kaso. Kasla met agbangon  iti balay ti panaggamulo ti kaso, kuna dagiti Abogado. Maaramid iti umisu a proseso ket inton naisaklangen iti Piskalia ti kaso ket kasapulan met ti nadayaw ken respeto a pannakinaming iti Apo a Piskal ta isu ti agtakder a mangdepensa iti nagreklamo iti masasao a prosekusion ti kaso.

Iti sabali a bangir, innayon ti Napateg a Gayyem a no nasimad a kasla agal-aludaid a pag-ong ti kaso, tulongan ti maseknan¬† ti abogadona a mangiremedio babaen iti nagkaadu a kita ti mosion depende iti situasion kas koma iti Motion for re-investigation, petition for¬† review, petition for certiorari, petition to quash warrant. Papasingkedan no adda ‚Äúprobable cause‚ÄĚ iti maipabpabasol¬† ta dayta ti pagibatayan no umno babaen ti panangadal ti Apo a Piskal a mang-dismiss tapno awanen ti buong ti panunot ti maseknan. Kuna ti Abogado a ti Apo a Piskal ket ‚ÄúTrier of Facts‚ÄĚ a makaammo nga agukkon ti ebidensia ket ibasarna ti resolusionna iti merito dagiti kusto a naaramid idinto ta ni Apo¬† Hues ket tingitingenna laeng no umisu ti panagrukod ti Apo Piskal a panangibatayanna met ti desisionna.

Ti makadakes, no nalaing ti Abogado ti Depensa (Respondent) nga agmaniobra ken ag-estratehia babaen kadagiti legal remedies, maitantan ti kaso ta abotenna met ti sumagmamano nga aldaw (10 days sa ti kaababaan) tapno maammuan manen ti sumaruno a gunay ti prosekusion. Kasta a kasta ta daydiay la ngarud mangikalkalilis/mangikalkalintegan iti nakabasol ti aramiden ti Defense Counsel.

Kalpasan ti makautoy a court proceedings,  (sigurado a natawenan ti kaso wenno limmaw-as pay), sumaruno manen ti maaramid nga apelasion, Temporary Restraining Order (TRO) tapno matiped ti panagepekto ti maysa a bilin ti korte. Kanigid-kanawan ti maniobra ti Depensa agingga idiay Korte Suprema. Mapasamakto manen ti naruay a panagapelar  a nangnangruna nga aramiden ti nakabasol (Accused) ken ti Abogadona. Agingga a maipinal ti kaso. Resulta: naabsuelto, naibaba ti dusa ken multa?, saan a napatgan/napatgan  dagiti Mosion. Uray positibo wenno negatibo ti resultana, kaskasdi a rinaritna  ti kuarta ken tiempo dagiti maseknan. Ti nakasaksakit ket no napaspasarakan ti Petitioner nangruna iti Depensa a nabaliktad (reversal)  ti Kaso iti Kangatuan a Pangukoman idinto ta sika a nagreklamo ti Llamado kadagiti immun-una nga agpang ti Korte a ket ditoyka nga agkonsumision no kasano nga awatem ti kinapudno ken makapangrugika manen iti baro a pinanid ti biagmo.

Nasakit a panunoten dayta a pagteng. Ngem kasapulan nga awatem. Iti pannakikinnaso,  kasla met la iti panangdala iti kabibiag ti maysa a tao. Adda ragsak-adda liday-adda balligi a kuna dagiti Litigants wenno naimbolbar iti kaso.

Adu met ketdi ti pagyarigan. Kas kadagiti celebrated case a nagtungpal iti pannaka-dismiss dagiti perpetrators. Agdadata dagiti natibker nga ebidensia a nangpasingked ti pannakakombiktarda ngem iti pannakamaniobra (legal procedure) iti Korte ket naabsueltoda. Kaaduan kano ti Teknikalidad ti makagapu iti pannakaabsueltoda. Ngarud ket mangibunga ti ad-adu a bangungot ken tarimbangon dagiti maseknan ti kaso. Ania pay koma ti sumaruno a pagkamangam no kasta? Decision by Finality, kunada dayta no iyetnag iti Kangatuan a Korte. Ninto la Apo Diosen ti makaammo, pangalay-ay ti dadduma.

Ngem itay nabiit, adda karkarna a gunay ti hanay ti Hustisia a mangbiag ti maysa a kaso a nabayagen a naikupin? Motion to revive a case, kuna daytoy Gayyemmi. Mabalin pay ngata ket nagdalan metten iti Kangatuan a Pangukoman? Baka suntok sa buwan, kuna met dagiti agpalpaliiw. Ala, ket no maipursige dayta, agpatingganto met la a ma-dismiss dayta, kuna met ti dadduma. No maukag manen ti nalipatanen a kaso ket di pay ket mainsulto ti nangsurat kadayta a Desision no ma-dismiss met laeng aglalo no nakatugaw pay laeng iti sala ti Korte?.

Ngem kuna ti Gayyemko a dapat kano ket 11 a bulan koma  ti kabayag ti kaso sa maresultaan iti korte. Sana innayon, mismo met la a sika nga akimbagi ti mangikeddeng no magmagna ti kasom. Sika met la ti umagawa no nalaingka nga ag-paloap. Kasla agarem ti balasang nga agrigatka samonto maala ti napintas a wenna. No napatudonka iti Abogadom ken mangmalmalatimatka iti bobeda iti sumaruno a mapasamak, maaruska, Kaka. Sika ngarud ti makagapu no apay a  nabuntog wenno tulbek no napardas ti pannagna ti kasom no kaspangarigan adda man. #